Metodoloxía

Semáforos relativos, non absolutos

Ningún indicador se valora contra unha meta arbitraria. Cada concello mídese por posición —onde está respecto da media galega e respecto dos 52 concellos dos mesmos xeodestinos que a Verea non toca— e por tendencia. Un concello pode estar mal posicionado e mellorando; un semáforo dunha soa dimensión agocha ese caso.

Cobertura antes de veredicto

Non se emite valoración agregada dun eixe ata ter medido polo menos o 60 % dos seus indicadores. Hoxe só o cumpre A Raia Viva. Os outros tres amósanse en gris coa súa cobertura real á vista.

O cor non codifica valor

Cada eixe ten o seu cor de identidade. O mapa usa unha escala secuencial dun só ton, e a posición relativa unha escala diverxente con gris no centro. Se o vermello do semáforo e o bordeus de Tesouros fosen o mesmo vermello, este sitio mentiría.

O que estes datos non din

• Isto non avalía A Verea. Fotografa o territorio antes da ruta. No momento de medir hai 0 km sinalizados e 0 concellos adheridos. Ningunha cifra deste sitio é atribuíble á Verea.
• Non todos os indicadores son do mesmo ano. A poboación chega a 2025; o índice de envellecemento detense en 2022 porque o INE non publica idade por concello máis recente. Non se deben restar entre si.
• O saldo migratorio non se le só. 32 dos 40 concellos teñen saldo positivo. A raia gaña xente por migración e aínda así baléirase, porque ningún dos 40 ten saldo vexetativo positivo.